ਵਿਆਹ ਤੋਂ ਪਰਤ ਰਹੇ ਪਰਿਵਾਰ ਦੀ ਕਾਰ ਸਫੈਦੇ ਨਾਲ ਟਕਰਾਈ, ਤਿੰਨ ਜੀਆਂ ਦੀ ਮੌਤ ਅਤੇ 3 ਗੰਭੀਰ ਜ਼ਖ਼ਮੀ


 

Car Accident

ਜਲੰਧਰ ਰੋਡ ’ਤੇ ਕਸਬਾ ਅੰਮੋਨੰਗਲ ਨੇੜੇ ਕਾਰ ਦੇ ਦਰੱਖ਼ਤ ਨਾਲ ਟਕਰਾਉਣ ਕਾਰਨ ਇੱਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ ਹੋ ਗਈ ਜਦਕਿ 3 ਹੋਰ ਗੰਭੀਰ ਜ਼ਖ਼ਮੀ ਹੋ ਗਏ। ਇਹ ਹਾਦਸਾ ਐਤਵਾਰ ਨੂੰ ਉਸ ਵੇਲੇ ਵਾਪਰਿਆ ਜਦੋਂ ਪਰਿਵਾਰ ਵਿਆਹ ਵੇਖ ਕੇ ਘਰ ਪਰਤ ਰਿਹਾ ਸੀ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਪੂਰੀ ਤਰ੍ਹਾਂ ਤਬਾਹ ਹੋ ਗਈ।

ਹਾਸਲ ਜਾਣਕਾਰੀ ਮੁਤਾਬਕ ਪਿੰਡ ਚਾਹਲ ਕਲਾਂ ਦੇ ਓਂਕਾਰ ਸਿੰਘ ਦਾ ਪਰਿਵਾਰ ਵਿਆਹ ਸਮਾਰੋਹ ਤੋਂ ਘਰ ਪਰਤ ਰਿਹਾ ਸੀ। ਇਸੇ ਦੌਰਾਨ ਕਾਰ ਦਾ ਸੰਤੁਲਨ ਵਿਗੜ ਗਿਆ। ਇਹ ਸੜਕ ਕਿਨਾਰੇ ਸਫ਼ੈਦੇ ’ਚ ਜਾ ਵੱਜੀ। ਟੱਕਰ ਇੰਨੀ ਭਿਆਨਕ ਸੀ ਕਿ ਕਾਰ ਚਕਨਾਚੂਰ ਹੋ ਗਈ।

ਹਾਦਸੇ ਵਿੱਚ ਓਂਕਾਰ ਸਿੰਘ, ਸਰਬਜੀਤ ਕੌਰ ਤੇ ਹਰਬੰਸ ਕੌਰ ਦੀ ਮੌਤ ਹੋ ਗਈ ਹੈ, ਜਦਕਿ ਕਾਰ ’ਚ ਸਵਾਰ ਕੁਲਬੀਰ ਸਿੰਘ (ਕਾਰ ਚਾਲਕ), ਕੁਲਜੀਤ ਕੌਰ ਤੇ ਜੁਗਰਾਜ ਸਿੰਘ ਗੰਭੀਰ ਜ਼ਖ਼ਮੀ ਹੋ ਗਏ। ਜ਼ਖ਼ਮੀਆਂ ਨੂੰ ਸਿਵਲ ਹਸਪਤਾਲ ਬਟਾਲਾ ਦਾਖ਼ਲ ਕਰਵਾਇਆ ਗਿਆ ਹੈ।


LEAVE A REPLY